कमल । कमल गाउँपालिका खेलकुद विकास समितिको आयोजनामा खुल्ला महिला फुटबल नकआउट प्रतियोगिता हुने भएको छ।
आगामी वैशाख २३ गतेबाट २८ गतेसम्म कमल गाउँपालिका ३ स्थित खेलकुद मैदानमा सञ्चालन हुने प्रतियोगितामा झापा इलाम र मोरङका ८ वटा टिम सहभागी हुने आज केर्खामा पत्रकार सम्मेलन आयोजना गरी खेल संयोजक रुस्तम राईले जानकारी गराउनुभयो ।
प्रतियोगितामा प्रथम हुने टिमले नगद ३१ हजारका साथ ट्रफी मेडल र प्रमाणपत्र पाउनेछ भने दोस्रो हुने टिमले नगद २१ हजार का साथै ट्रफी मेडल र प्रमाणपत्र पाउने का साथै प्रतियोगितामा उत्कृष्ट खेलाडी, प्लेयर अफ द म्याच ,बेस्ट डिफेन्डर, बेस्ट मिडफिल्डर, बेस्ट स्ट्राइकर, बेस्ट गोल किपर लाई समेत नगद ,ट्रफी र प्रमाणपत्र प्रदान गरिने कमल गाउँपालिका खेलकुद विकास समितिका अध्यक्ष सन्त मगरले जानकारी दिनुभयो ।
कमल गाउँपालिकाको वार्षिक स्वकृत कार्यक्रम अनुसार प्रतियोगिता सञ्चालन गर्नका लागि २ लाख ५० हजार नगद उपलब्धहुने आयोजकले जनाएको छ ।
