बिर्तामोड । आयोजक ‘अल इन वान’ क्लब प्रदेश स्तरीय महिला गोल्डकप फुटबलको फाइनलमा प्रवेश गरेको छ ।
आज भएको प्रतियोगिताको पहिलो सेमिफाइनलमा मिक्लाजुङ गाउँपालिका मोरङलाई ५–१ गोल अन्तरले पराजित गर्दै आयोजक ‘अल इन वान’ फाइनलमा प्रवेश गरेको हो ।
बिर्तामोड–१० सैनिकबजारस्थित महेन्द्र ज्योति माविको मैदानमा भएको खेलमा आयोजकलाई जित दिलाउन २१ औं मिनेटमा लक्ष्मी श्रेष्ठ पहिलो गोल गरिन् । त्यस्तै २८ औं र ४८ औ मिनेटमा सविता मगरले थप २ गोल गरिन ।
यस्तै आयोजकका लागि अनिता लम्जेलले खेलको ५३ औ मिनेटमा चौथो गोल गरीन् । उसका लागि ५ औं गोल खेलको इन्जुरी समयमा मेनुका मगरले गर्नुभएको थियो ।
खेलमा मोरङले एक गोल फर्काको थियो । उसका लागि ४९ औं मिनेटमा बिष्णु संवाहाम्फेले एक गोल गर्नुभएको थियो ।
आजको खेलमा आयोजककी सविता मगर ‘प्लेयर्स अफ द म्याच’ घोषित भइन् । उनले नगद ३ हजार पुरस्कार पाउनु भयो ।
प्रतियोगितामा भोलि (बिहिबार) नमोबुद्ध युवा क्लब सप्तरी र गाईघाट फुटबल क्बल उदयपुरबिच दोस्रो सेमिफाइनल खेल हुने छ ।
बिहिबारको खेलको विजेतासंग आयोजक ‘अल इन वान’ले १६ गते शनिबार फाइनलमा उपाधिका लागि प्रतिस्पर्धा गर्ने छ ।
बिर्तामोडको ‘अल इन वान’ क्लबको आयोजनामा भईरहेको प्रतियोगिताको विजेताले नगद २ लाख २ हजार र उपविजेताले १ लाख १ हजार रुपैंयाँ पुरस्कार पाउने छ ।
