सिन्धुली । ओखलढुंगाबाट काठमाडौंका लागि छुटेको बा २ ख ६५९६ नम्बरको यात्रुबाहक बस आज बिहान ९ः१५ बजे सिन्धुलीको फिक्कल गाउँपालिका वडा नम्बर ४ कुइभिरमा दुर्घटना हुँदा पाँच जनाको मृत्यु भएको छ ।
सिन्धुलीका प्रमुख जिल्ला अधिकारी सुनिता नेपालले प्रहरीमार्फत् आफूले उक्त दुर्घटनामा पाँच जनाको मृत्यु भएको जानकारी पाएको बताएकी छन् ।
प्रमुख जिल्ला अधिकारी नेपालका अनुसार दुर्घटनाको बेला बसमा २९ जना यात्रु थिए । ती मध्ये १९ जना घाइते भएका छन् । उनीहरूलाई उद्धार गरी उपचारका लागि खुर्कोटको अस्पतालमा पठाइएको छ ।
