दमक | झापाको दमक ६ स्थित नमूना बजारमा आज बिहान आगलागि भएको छ । बिहान करिब ३ बजेबाट आगलागि सुरु भएको अनुमान गरिएको छ ।
नमूना बजारमा रहेको राज श्रेष्ठको पशलबाट आगलागि सुरु भएको बताइएको छ ।
श्रेष्ठको पशलसँगै अन्य ६ वटा पसल पनि जलेर नष्ट भएको छ भने नजिकै रहेका अन्य पशलहरुलाई जोगाउनका लागि त्याहाका सर–सामान अन्यत्रै सारिएको छ ।
यस्तै सोही स्थानमा रहेको घिमिरे मार्केटमा समेत आगोले क्षती पुर्याएको छ ।
घिमिरे मार्कटमा रहेका केहि पशलहरुमा आगोले क्षती पुर्याएको हो ।
आगलागि नियन्त्रणका लागि दमकका २ वटा दमकल, गौरादह, कानेपोखरी, लेटाङ, शुन्दरहरैंचा, कमल लगायतका स्थानबाट आएका अन्य दमकलसहित दमक प्रहरी र स्थानीयवासीको सहयोगमा आगो नियन्त्रणको प्रयास गरिएको थियो ।
आगो अहिले पूर्ण रुपमा नियन्त्रणमा आईसकेको छ । बिद्युत सर्ट भएर आगलागि भएको अनुमान गरिएको छ ।
