कमल । कमल गाउँपालिका ५ स्थित स्टार इंङ्गलिस स्कुलले मङ्गलवार २८ औं वार्षिक उत्सव मनाएको छ ।
विद्यालयले विभिन्न सांस्कृतिक कार्यक्रम सहित बदलिदो समाज नामक लघु नाटक प्रदर्शन गरेर वार्षिक उत्सव मनाएको हो ।
विद्यालय व्यवस्थापन समितिका अध्यक्ष मिना कुमारी थापाको अध्यक्षतामा र कमल गाउँपालिका शिक्षा शाखा प्रमुख सूर्य प्रसाद न्यौपानेको प्रमुख आतिथ्यता भएको र्कायक्रममा प्याब्सन कमलका अध्यक्ष दीपक सङ्ग्रौला, निवर्तमान अध्यक्ष बदी राई, सचिव त्रिलोचन गौतम,कोषाध्यक्ष राम आङ्गदेम्बे,सदस्य रिता खनाल र भवना भण्डारी, मंगलमय माध्यमिक विध्यालय व्यवस्थापन समितिका अध्यक्ष टिकाराज सापकोटा,प्रधानाध्यापक मोहन बगाले लगायतको उपस्थिति रहेको थियो ।
कार्यक्रम विद्यालयकी शिक्षिका सीता भण्डारी अधिकारीले सञ्चालन गर्नु भएको थियो भने शिक्षक गणेश दुलालले शाब्दिक शब्द द्वारा स्वागत गर्नु भएको थियो ।
विध्यालयका प्रिन्सिपल विजय सेन थापाले आमन्त्रीत अतिथी तथा अभिभावकलाई स्वागत सम्मानका साथै धन्यवाद ज्ञापन गर्नु भएको थियो ।
