थाइल्याण्डको स्वामित्वमा रहेको ‘मयूरी नारी’ नामक जहाज ‘स्ट्रेट अफ होर्मुज’मा आक्रमणमा परेको हो । यो जहाज भारतको गुजरात आउँदै थियो ।
- स्ट्रेट अफ होर्मुजमा बुधबार थाइल्याण्डको स्वामित्वमा रहेको ‘मयूरी नारी’ जहाज भारतको गुजराततर्फ आउँदै गर्दा आक्रमणमा परेको छ।
- भारतले आफ्नो ऊर्जा आपूर्तिका लागि होर्मुज स्ट्रेटमार्गबाट तेल र ग्यास आयात गर्ने गरेको छ, जसमा आक्रमणले गम्भीर असर परेको छ।
- मध्यपूर्वको तनावका कारण इन्धन आपूर्ति प्रभावित हुँदा विश्वभर तेलको मूल्य बढेको छ ।
काठमाडौं । विश्वको सबैभन्दा व्यस्त समुद्री मार्ग ‘स्ट्रेट अफ होर्मुज’ मा बुधबार भएका शृंखलाबद्ध आक्रमणमध्ये एउटा प्रमुख निसाना भारतको गुजराततर्फ आउँदै गरेको जहाज पनि बनेको छ । यस घटनाले भारतको ऊर्जा आपूर्ति र समुद्री व्यापारिक सुरक्षामा गम्भीर चिन्ता पैदा गरेको छ ।
थाइल्याण्डको स्वामित्वमा रहेको ‘मयूरी नारी’ नामक जहाज ओमानको समुद्री तटबाट करिब ११ नटिकल माइल उत्तरमा आक्रमणमा परेको हो ।
यो जहाज भारतको गुजरात राज्यको बन्दरगाहतर्फ आउँदै थियो । थाई नौसेनाका अनुसार यूएईको आबुधाबीस्थित खलिफा पोर्टबाट जहाज प्रस्थान गरेको केही घण्टामै जहाजमा आक्रमण भएको थियो । समाचार एजेन्सी एपीका अनुसार अज्ञात ‘प्रोजेक्टाइल’ ठोक्किएपछि जहाजमा भीषण आगलागी भएको थियो, जसका कारण जहाजको सञ्चालन पूर्ण रूपमा ठप्प भएको छ ।
-
