कमल । स्थानिय वासी द्वारा कमल गाउपालिका ७ गेउरिया निवासी देविमाया माझीलाई आर्थिक सहयोग प्रदान गरेको छ ।
वडा नं ७ स्थित हाम्रो गेउरिया राम्रो बजार मा गत हप्ता सिलिन्डरको पाईप लिक भई निस्किएको आगोले देविमाया माझी (माझीनी माईली)को शरिरको तल्लो भाग पुरै जलेर घाईते हुनुभएको थियो ।
घाईते भई हाल बिराटनगर स्थित संजीवनी अस्पतालमा उपचार भईरहेको र बिरामीको आर्थिक अवस्था अत्यतै कमजोर रहेको र उपचारमा समस्या भएकोले स्थानिय सृजनशील युवा क्लब,गेउरिया बजार ब्यवस्थापन समिती ,बिष्णुकठ्ठा टोल विकास समिती,गेउरिया युवा परिवार को अगुवाईका साथै कमल गाउँपालिका ७ नम्वर वडाको सहयोगमा विरामीकी आमालाई आर्थिक सहयोग गरेको स्थानिय विक्रम निरौलाले जानकारी दिनुभयो ।
स्थानिय बाट संकलित ७२ हजार ५१५ रुपैया वडा अध्यक्ष पृथ्वीपति राईको हातबाट बिरामीको छोरी जानुका माझीलाई हस्तान्तरण गरेको बिष्णु कट्टा टोल विकास सस्थामा अध्यक्ष अकल बहादुर गुरुङ्गले जानकारी दिनुभयो ।
