कमल । भापाको कमल गाउँपालिकाले सामुदायिक कुकुरलाई निःशुल्क बन्ध्याकरण र रेविज विरुद्धको खोप लगाउन अभियान सुरु गरेको छ ।
गाउँपालिका भित्र रहेका सामुदायिक कुकुरकका कारण धेरै समस्या उत्पन्न भएपछि त्यसको न्युनिकरणकालागी नेपाल एग्री लाईभष्टक ट्रेनिङ्ग एण्ड रिसर्च सेन्टर ,ईटहरीको प्रविधिक सहयोगमा शिविर सन्चालन गरी बन्ध्याकरण र रेविज विरुद्धको खोप लगाउने कार्यक्रम सुरुगरिएकोे हो ।
सामुदायिक कुकुरले गाउँमा कृषकमा बाख्रा, कुखुरा, पाडा बाछा खाने, साईकल तथा मोटर साईकललाई लखेट्ने र सवारी दुर्घटना गराउने ,
मान्छे टोक्ने लगायका समस्या आएपछि त्यसको न्युनिकरणकालागी गाउँपालिकाले आफ्नै खर्चमा सामुदायिक कुकुरको बन्ध्याकरण र निःशुल्क खोप अभियान सन्चालन गरेको कमल गाउँपालिका ३ नम्वर वा अध्यक्ष अग्निप्रसाद कोईरालाले जानकारी दिनुभयो ।
गाउँपालिकाले गतवर्ष वडा ५ नम्वर वडामा रहेका सामुदायिक कुकुर लाई बन्ध्याकरण र रेविज विरुद्धको खोप लगाएको थियो भने यो पटक ३र६नम्वर वडाका चारसय ५० वटा कुकुरलाई बन्ध्याकरण र रेविज विरुद्धको खोप लगाउने कार्यक्रम रहेको अध्यक्ष कोईरालाले बताउनु भयो ।
