कमल। नेपाल कम्युनिष्ट पार्टी (एमाले) कमलको दोस्रो गाउँ अधिवेशन बाट अध्यक्षमा हरि ढकाल सर्व सम्मत निर्वाचित हुनु भएको छ ।
आगामी तिन वर्षे कार्यकालका लागी ढकाल सहित उमेद्वारी दर्ता गराउनु भएका डम्बर बहादुर निरौला र धन बहादुर बस्नेतले उम्मेद्वारी फिर्ता लिए सँगै ढकाल सर्वसम्मत निर्वाचित हुनु भएको हो । यद्यपि यो समाचार तयार पार्दा सम्म निर्वाचन समितिले भने आधिकारिक रुपमा घोषणा गरिसकेको छैन ।
उपाध्यक्ष अकल बहादुर गुरुङ्ग
त्यस्तै उपाध्यक्षमा अकल बहादुर गुरुङ्ग सर्व सम्मत निर्वाचित हुनुभएको छ । गुरुङ्ग सँगै उम्मेद्वारी दिनुभएका चन्द्रकला ढकाल र उषा भण्डारी आफ्नो उम्मेद्वारी फिर्ता लिएपछि गुरुङ्ग सर्वसम्मत निर्वाचित हुनु भएको हो भने बाँकी पदमा निर्वाचन हुने निर्वाचन समितिका सदस्य शरण कुमार पराजुलीले जानकारी दिनुभयो ।
अधिवेशन हिजो बैशाख २८ गते देखी कमल गाउँपालिका ५ स्थित रोड स्टार पार्टी प्यालेसमा हुदैछ ।
कमल गाउँपालिकामा १ हजार ३ सय नवीकृत सदस्य मध्ये बाट अधिवेशनका लागी ३ सय जना प्रतिनिधि छनौट भएको गाउँ कमिटी सचिवालयले जनाएको छ ।
अधिवेशन बाट ७५ जनाको गाउँ कमिटी निर्वाचित हुनेछ ।
