कमल । कमल नगर अस्पताल सञ्चालन तथा व्यवस्थापन समितिको बैठक सम्पन्न भएको छ ।
अस्पताल सञ्चालन तथा व्यवस्थापन समितिका अध्यक्ष हुकुमसिंह राईको अध्यक्षतामा शुक्रवार सम्पन्न बैठैले विभिन्न निर्णय गरेको छ ।
बैठकले साविकमा अस्पतालमा स्वास्थ्य विमाको दर्ता काउण्टर विहान ९ बजे देखि अपरान्न १ बजे सम्म सञ्चालन हुदै आएकोमा सो अवधिलाई १ घन्टा थप गरि बिहान ९ बजे देखि दिउसो २ बजे सम्म सञ्चालन गर्ने निर्णय गरेको छ ।
त्यसैगरी मेचि आँखा अस्पताल विर्तामोडको प्राविधिक सहयोगमा कमल नगर अस्पतालमा आगामी २०८३ साल जेष्ठ ५ गते मंगलबार देखि दैनिक आँखा स्वास्थ्य ओपिडि सेवा सञ्चालन गरिने समेत निर्णय भएको अस्पताल प्रशासन प्रमुख कुशल श्रेष्ठले बताउनु भयो ।
