कमल । इलामको चुलाचुली १ मा सञ्चालित ७ दिने क्रिष्टलबाट चुरा पोते निर्माण र उद्घोषक तालिमको समापन र १ महिने ढाका बुनाई तालिमको उद्घाटन भएको छ ।
झापाको कमल गाउँपालिकामा ३ केर्खामा मुख्य कार्यालय रहेको उद्यमशील महिला जागरण केन्द्रको आयोजना तथा चुलाचुली १ नम्बर वडाको आर्थिक सहयोगमा सञ्चालित , ७ दिने क्रिष्टलबाट चुरा पोते निर्माण र उद्घोषक तालिमको समापन तथा १ महिने ढाका बुनाई तालिमको उद्घाटन भएको हो ।
उद्यमशील महिला जागरण केन्द्रकी अध्यक्ष शान्ता उप्रेती दाहालको अध्यक्षतामा सम्पन्न तालिम अन्तर्गत १ महिने ढाका बुनाई तालिमको उद्घाटन वडा अध्यक्ष पुर्ण लावतीले गर्नु भएको थियो ।
तालिममा ७ दिने क्रिष्टलबाट चुरा पोते निर्माण र उद्घोषक तर्फ २० ÷ २० जना सहभागी रहेका थिए । तालिममा सहभागीलाई वडा अध्यक्ष लावतीले प्रमाणपत्र प्रदान गर्नु भएको थियो ।
समिना राईले सञ्चालन गर्नुभएको कार्यक्रममा उपस्थित अतिथि तथा सहभागीलाई नन्द कुमारी राईले शाब्दिक शब्द द्वारा स्वागत गर्नु भएको थियो ।
१ महिने ढाका बुनाई तालिममा १० सहभागी रहने केन्द्रकी उपाध्यक्ष बबिता वाग्लेले जानकारी दिनु भयो ।
तालिममा उद्घोषक तर्फ को सहजीकरण नारायण बस्नेतले गर्नु भएको थियो भने ७ दिने क्रिष्टलबाट चुरा पोते निर्माण तथा १ महिने ढाका बुनाई तालिमको सहजीकरण तारा चौधरी गर्नुहुने छ ।
