कमल । झापाको कमल गाउँ पालिका ३ केर्खामा एक जना पुरुषले झुन्डिएर आत्महत्या गरेको छन् ।
आत्महत्या गर्नेमा सोहि वडाको गोसलाईन निवासी अन्दाजी ५० वर्षीय लुखिराम हस्दा रहेको जिल्ला प्रहरी कार्यालय झापाका प्रवक्ता खगेन्द्र प्रसाद रिजालले जानकारी दिए ।
हस्दाले केर्खा बजार उत्तर रहेको रतुवामाई वृक्षा रोपन आयोजनाको जङ्गलमा झुन्डिएर आत्महत्या गरेका हुन् । आत्महत्या गरेको हास्दालाई स्थानीय वासीले बिहान ७ बजे देखेर प्रहरीलाई खबर गरेका थिए ।
श्रीमती, दुई छोरा र एक छोरीका साथ बस्दै आएका हस्दाको आर्थिक अवस्था अत्यन्तै कमजोर छ । उनी मिस्त्री काम गरेर परिवारको पालन पोषण गर्दै आएका थिए ।
